من صغري وأنا أسمع يقولون الزمان يدور

من صغري وأنا أسمع يقولون الزمان يدور

يعني إذا بيوم يضحك لي بيجي باكر ويبكيني..

وكلٍ شايل همَّه أحد ضايق وأحد مقهور..

وأنا بس أواسيهم وما بهم من يواسيني..

وأنا ماودي أتكلم وأبوح وأكشف المستور..

ولكن يالغلا صدك على هالبوح يجبرني..

أنا للحزن قصة وله في داخلي دستور..

أجامل وأبتسم للناس ودمعي ساكن بعيني..

وأنا لي حيل يتعبني لاضقت بدمعي المغرور..

تخيل مايبي يسكب يخاف إنه يريحني..

أموت بضيقتي فيني وأعاني من زمان الجور..

وتخنق عبرتي صدري وتجرح دمعتي عيني..

أنا ما ودي أزيدك هم أنا ودي تعيش سرور..

ولكني أبي تعرف ترا حزني يبعثرني..

أنا قلبي من عنا وقتي حزين وخاطري مكسور..

وأنا اللي زايد بهمي صمتي اللي متعبني..

وترا مهما يضيق الكون ترا عقب الظلام النور..

يعني مثل ماضاقت بتفرج باقي سنيني..

أنا لو قلت لي ضايق..[أشيل همك أنا على الفور]..

أنا ما أبي أحد يحزن وإذا به شي يربطني..

وأنا اللي بيني وبينك..شعر ومحبة وشعور..

طاهر يجمع محبتنا مثل محبة اخويني..

وأنا شعري..ترا مابه غموض وعنجهة وغرور..

وأنا شعري..صدر بإحساس طفل ساكن فيني..

أنا ودي أبين لك وأبوح بكل مافيني يدور..

ولكن ما أبي أصبح ثقيل وما تدانيني..

وأنا موتي..ولا أصبح على أحدٍ ثقيل ومايبي لي دور..

وأنا ودي إذا جا موتي..أموت وعزتي فيني..

وكأنك يالغلا تبغا يكون القصيد بيننا منثور..

أجل اقرب وأنا أكتب لك قصيدٍ يوصف سنيني..

وأنا أقول على كل اللي مضى [مشكور]..

وكاني أخطيت في حقك أبيك ألحين تعفيني..

وأنا بطلب بآخر بيت من اللي يعلم ما خفى بصدور..

{ إنه يسعد قلبك دووم..ويسعد باقي سنيني} ..

وسلامتكم..

تحياتي..